Эксперт – «Қайраттың» ЧЛ-дағы қарсыласы туралы: «Брюгге» мүмкіндіктерін жақсы пайдаланады

Бельгиялық журналист және VTM Nieuws жүргізушісі Ярно Берто BorodAbata.kz (AS News) тілшісіне «Брюггенің» Чемпиондар лигасына қалай шыққаны айтып берді. Плей-офф раундында бельгиялық клуб «Рейнджерсті» 9:1 есебімен жеңді.

«Соңғы жылдары «Брюгге» мүмкіндіктерді голға айналдыруын айтарлықтай жақсартты. 2022/23 жылғы маусымға дейін, тіпті Чемпиондар лигасында да, олар топ командаға қарсы матчта 100% мүмкіндігін жіберіп алуы мүмкін еді, бірақ қазір бәрі өзгерді. «Айброкста» («Рейнжерстің» стадионы) бельгиялықтардың үш мүмкіндігі болды және олардың барлығы голмен аяқталды. Үшінші гол кезінде қауіпті шабуыл болған жоқ: алыс қашықтықтан соққы жасалды, бұл жерде салқын қандылық пен шеберлік туралы айтқан жөн», – деді сарапшы.

Бертоның айтуынша, шотландиялық клуб «Брюггемен» бәсекелесе алмады:

«Рейнджерстің» өте әлсіз болғанын мойындау керек, әсіресе, стандарт кезінде. Сондықтан маған екі жеңіс те мүмкіндіктерді жүзеге асыру мен шотландиялықтардың әлсіз нүктелеріне қысым жасаудың нәтижесі болып көрінеді».

«Қайрат» 20 қаңтар күні Орталық стадионда «Брюггені» қабылдайды. Қазіргі уақытта бельгиялықтар өз чемпионатында төртінші орында келе жатыр, олардың жалпы құны алматылықтардан 13,5 есеге көп.