ҚПЛ экс-легионері – «Қайрат» пен «Брюгге» ойыны жайлы: алматылықтар жеңіп кетуі мүмкін

«Қызылжардың» бұрынғы қорғаушысы Брайан Ван Ден Богарт BorodAbata.kz (AS News) тілшісіне берген сұхбатында Чемпиондар лигасының негізгі кезеңінде «Қайрат» пен «Брюгге» арасындағы матч жайлы пікірімен бөлісті.

«Қазақстанда қыстың қаншалықты суық екенін білемін (күлді). Мұндай жағдайда ойнауға дағдыланбаған футболшыларға қиын болады. Ұзақ сапармен қоса бұл «Брюгге» үшін үлкен сынақ болады, бірақ шеберлік жағынан бұл мүлдем басқа деңгейдегі команда.

Оларда ұзақ уақыт бойы жоғары деңгейде өнер көрсетіп жүрген топ-ойыншылар бар, дегенмен, әрине, футболды болжау мүмкін емес. Егер «Селтикке» қарсы матчтағыдай «Қайрат» мінез көрсетіп, барын берсе, онда кез-келген нәтиже болуы мүмкін», – деді Ван Ден Богарт.

«Антверпен» және «Моленбек» сапынюа доп тепкен бельгиялық футболшы бұл матчқа мынадай болжам жасады:

«Мен матч 0:3 есебімен аяқталады деп күтіп отырмын – жерлестеріме сенуім керек (күлді). Дегенмен, мен Тапаға (Еркін Тапалов) жанкүйер боламын, өйткені оған шын жүректен сәттілік тілеймін».

20 қаңтарда «сары-қаралар» Чемпиондар лигасының жетінші турында «Брюггені» қабылдайды. Бельгиялық клубтың жалпы құны 172,6 миллион еуроны құраса, қазақстандық клуб 12,8 миллион еуроға бағаланып отыр.