«Барселонаның» экс-футболшысы – «Қайрат» туралы: оларға ештеңеден қорықпау керек

«Арсенал», «Барселона» және Беларусь құрамасының бұрынғы жартылай қорғаушысы Александр Глеб BorodAbata.kz (AS News) тілшісіне берген сұхбатында «Қайраттың» Чемпиондар лигасына шығуына қатысты пікір білдірді. Алматылық команда сапында оның екі жерлесі – Александр Мартынович пен Валерий Громыко өнер көрсетеді.

«Бұл бүкіл Қазақстан үшін тамаша жеребе болды – елге жұлдызды командалар келейін деп жатыр. Бұл үлкен мереке болады, ал ойыншылар керемет тәжірибе алады. Әлемдік деңгейдегі команданың стадионында ойнау деген... Мен оларға әр сәттен ләззат алуды тілеймін. «Қайратқа» тек ойнау керек және ешкімнен қорықпау қажет.

Қартаймайтын Мартынович? Мен бұған оң көзқараспен қараймын: егер ойыншы әлі де футболдан эмоциялар алуды қаласа, оның әрі қарай ойнауына қарсы емеспін. Мансабының соңында Чемпиондар лигасында ойнау үшін жақсы футболшы болуыңыз керек. «Селтикті» жеңу деген өте керемет әрі құнды нәтиже», – деді Глеб.

Чемпиондар лигасының плей-офф раундында шотландиялықтарды жеңгеннен кейін «Қайрат» «Реал», «Интер», «Арсенал» және басқа да атақты клубтармен кездеседі. Жалпы кезеңге шығу арқылы алматылықтар 20 миллион еуроға сыйақыға ие болды.