Marca тілшісі: «Қайрат» «Шерифтің» жетістігін қайталай алмайды

Испаниялық сарапшы әрі Marca журналисі Давид Руис BorodAbata.kz (AS News) тілшісіне берген сұхбатында «Қайраттың» 2021 жылғы «Шериф» сияқты «Реалды» жеңе ала ма (1:2) деген сұраққа жауап берді.

«Әрине, мен «Қайрат» туралы естідім, бірақ испаниялық жанкүйерлер үшін бұл «Шериф» сияқты жұмбақ команда. Алматылық команда олардың істегенін қайталай ала ма? Молдовалықтарда халықаралық тәжірибесі бар сапалы ойыншылар болды: қорғаушылар Дуланто мен Арболеда, вингерлер Траоре мен Кастаньеда, Кристиано, грекиялық мығым футболшы Коловос пен Тилль бар еді. Мадридтік «Реал» нәтижені өзгеркісі келгенімен, ол «Шерифтің» күні болды. Бірақ «Қайраттың» жағдайы басқаша.

Шынымды айтсам, мен қазақстандық клубтың бұған қабілетті екеніне сенбеймін. «Реал» «Селтикпен» кездесуі керек еді, бірақ бұл спорттың ұлылығы осында – әлемдегі ең үздік турнирде жыл сайын жаңа командаларды көреміз», - деді сарапшы.

Естеріңізде болса, осыдан төрт жыл бұрын Тирасполь клубы «Сантьяго Бернабеуде» «Реалды» жеңген еді. Голдардың бірін өткен маусымда «Ордабасының» намысын қорғаған Жасурбек Яхшибоев соқты.