Британдық журналист – «Қайрат» пен «Реал» ойыны жайлы: Алматығы бару Токиоға барғанмен бірдей

Британдық журналист, Sky Sports UK телеарнасының бұрынғы жүргізушісі Пол Гилмор BorodAbata.kz (AS News) тілшісіне берген сұхбатында Чемпиондар лигасының негізгі кезеңіндегі «Қайраттың» қарсыластары туралы пікір білдірді.

«Англиядағы БАҚ өкілдері Еуропаның алпауыт клубтары үшін Алматыға бару Токиоға барғанмен бірдей болатынын атап өтті. Өз алаңында бұл «Қайрат» үшін айтарлықтай артықшылық болуы мүмкін, бірақ Лиссабонға жасалатын сапар қазақстандықтар үшін турнир тарихындағы ең ұзақ сапар болмақ. Сонымен қатар сарапшылар алаңдағы қарсыластар деңгейіндегі айырмашылық арақашықтыққа қарағанда әлдеқайда маңызды екенін айтып отыр», – деді Гилмор.

«Қайрат» «Селтикті» пенальтилер сериясында тізе бүктіріп, тарихында алғаш рет Чемпиондар лигасының негізгі кезеңіне өтті. Алматылықтар енді сегіз матч өткізеді – төртеуін өз алаңында («Реал», «Брюгге», «Олимпиакос», «Пафос») және төртеуін сырт алаңда («Интер», «Арсенал», «Спортинг», «Копенгаген»).