Британдық журналист – «Қайрат» жайлы: Еуропа алпауыттары мұндай сапарларды жек көреді

Sky Sports UK арнасының бұрынғы жүргізушісі әрі британдық журналист Пол Гилмор BorodAbata.kz (AS News) сайтына берген сұхбатында «Қайраттың» Чемпиондар лигасының негізгі кезеңіне шығуын бағалады.

«Селтикті» жеңу – керемет нәтиже. Өйткені көпшілік «Рейнджерс» дағдарысқа түсті деп ойлаған. Шын мәнінде, «Селтик» өздерінің Глазгодағы көршілеріне қарағанда әлдеқайда тұрақты және Чемпиондар лигасындағы мол тәжірибеге ие. Бәрі Брендан Роджерстің командасынан келесі кезеңге еш қиындықсыз өтуді күткен еді», – деді Гилмор.

Журналист сондай-ақ алматылықтардың қарсыластарына ұзақ сапардың әсерін ерекше атап өтті:

«Еуропалық алпауыттардың ең ұнатпайтыны – апта ортасында шалғайдағы Алматыға шаршататын сапар. Әсіресе нағыз қарқын алып, Еуропаның басты турнирінің топтық кезеңіне шыққан андердогқа қарсы ойнауды жаратпайды».

Айта кетейік, «Қайрат» тарихында алғаш рет Чемпиондар лигасының негізгі кезеңіне өтті. Енді алматылықтар сегіз ойын өткізеді: өз алаңында – мадридтік «Реалға», «Брюггеге», «Олимпиакосқа» және «Пафосқа» қарсы, ал сырт алаңда – «Интерге», «Арсеналға», «Спортингке» және «Копенгагенге» қарсы.