«Селтиктің» капитаны – «Қайраттан» жеңілгені жайлы: ұту үшін жеткілікті түрде әрекет жасамадық

«Селтик» командасының капитаны Каллум МакГрегор Чемпиондар лигасының плей-офф раундында алматылық «Қайраттан» жеңілгеннен кейінгі эмоцияларымен бөлісті, деп хабарлайды BorodAbata.kz (AS News).

«Екі апта бойы біз Чемпиондар лигасының негізгі кезеңіне шыға алатынымызға сендік. Бірақ олай болмай шықты. Бүгін бізде тамаша мүмкіндіктер болды, бірақ оларды голға айналдыра алмадық. Біз жалпы кезеңге өту үшін жеткілікті түрде әрекет жасамадық.

Бүгінде футболдағы бәсеке өте жоғары. «Қайрат» жақсы ұйымдасқан команда, олар жақсы қорғанды. Сол үшін лайықты түрде құрмет көрсетуіміз қажет. Әсіресе, Глазгодағы бірінші матчта нашар ойнағанымыз жанымды қынжылтады. Бүгін үзілістен кейін жақсы мүмкіндіктер жасадық, бірақ пайдалана алмадық», – деді МакГрегор.

Капитанның айтуынша, енді команда бар назарын Еуропа лигасы мен чемпионатқа аударады

«Әрине, Еуропа лигасы соңғы екі жыл бойы ойнаған Чемпиондар лигасы сияқты емес. Бірақ бұл да жақсы турнир. Ең бастысы, бұл жеңіліс жалғасып кетпеуі керек. Жексенбіде бізде «Рейнджерске» қарсы үлкен дерби бар, бұл ойын оңай болмайды. Әрине, мұндай нәтижеден кейін қысым күшейеді, бірақ біз алаңға шығып, жеңіске жетуіміз керек.

Ол сондай-ақ қосалқы құрамда мықты ойыншылардың жоқ екенін мойындады:

«Егер біз барлық фронтта күрескіміз келсе, жақсырақ және кеңірек құрам қажет. Мүмкін Еуропа лигасына кеткеннен кейін қаржылық жағдай өзгеретін шығар, бірақ команданы одан әрмен күшейту керек».

«Қайрат» Чемпиондар лигасының плей-офф раундында «Селтикті» ұшырып жіберді. Енді «Қайрат» алғаш рет Чемпиондар лигасының негізгі кезеңінде өнер көрсетсе, «Селтик» жорығын Еуропа лигасында жалғастырады. 31 тамызда шотландиялық клуб «Рейнджерске» қарсы ойын өткізеді.