Роджерс – Сәтпаев пен «Қайрат» туралы: ол керемет ойыншы, бірақ біз бір командаға қарсы дайындалдық

«Селтик» командасының бас бапкері Брендан Роджерс Чемпиондар лигасының плей-офф раундында алматылық «Қайратқа» қарсы қарымта матч алдындағы баспасөз мәслихатында 17 жастағы шабуылшы Дастан Сәтпаевтың дисквалификациясына қатысты пікір білдірді, деп хабарлайды BorodAbata.kz (AS News).

«Ол керемет ойыншы. Мен оны тамашалауға келген «Челси» өкілімен байланыста болдым. Иә, ол мықты ойыншы, бірақ «Қайратта» басқа да жақсы ойыншылар бар. Біз «Қайратқа» жеке ойыншыға қарсы ойнаймыз деп емес, жалпы командаға қарсы дайындалуымыз керек. Қарсыласымызды толық құрметтейміз», – деді Роджерс.

Сәтпаев дисквалификацияға байланысты ертеңгі матчқа қатыса алмайды. Глазгодағы бірінші ойын 0:0 есебімен аяқталса, қарымта кездесу 26 тамызда Алматыда өтеді.