Уразбахтин – «Селтикпен» болатын матч жайлы: Чемпиондар лигасы – Алматы үшін үлкен мереке

Алматылық «Қайрат» командасының бас бапкері Рафаэль Уразбахтин Чемпиондар лигасының плей-офф раундында «Селтикпен» болатын қарымта матч алдында баспасөз мәслихатына қатысты, деп хабарлайды BorodAbata.kz (AS News).

«Бұл Қазақстан және біздің клуб үшін тарихи оқиға. Чемпиондар лигасының қаламызға келгеніне өте қуаныштымыз. Біз үшін бұл нағыз мереке, сондықтан ойынды асыға күтеміз. Ертең жанкүйерлердің қолдауына сеніп отырмыз және соған сай оларды жақсы ойынмен қуантуға тырысамыз.

Өкінішке орай, кадр мәселесінде проблемалар бар. Кейбір жігіттердің жоқтығы біз үшін үлкен шығын. Бірақ олардың орнына шығатын футюолшылардың өздерін көрсетуге үлкен мүмкіндігі болады. Олар бұл мүмкіндікті пайдаланады деп ойлаймын. Қазір матчқа қатысатын ойыншыларды анықтап қойдық», - деді Уразбахтин.

Глазгода өткен алғашқы ойын тең есеппен (0:0) аяқталған болатын. Қарымта кездесу 26 тамызда Алматыда өтеді.