«Қайраттың экс-қақпашысы – Анарбеков туралы: оның керемет қасиеттері бар

«Қайраттың» бұрынғы қақпашысы, қазір «Ахмат» сапында ойнайтын Вадим Ульянов BorodAbata.kz (AS News) тілшісіне берген сұхбатында «Селтикке» қарсы матчтың екінші таймында жарақат алған Александр Заруцкийді алмастырған Темірлан Анарбековтың ойынына баға берді.

«Иә, біз екі жыл бойы бір командада болдық, Темірлан Қазақстандағы ең мықты жас қақпашыларының бірі деп айта аламын, оның керемет қасеттері бар, ең бастысы, қазір соларды дамытып, қысым кезінде сенімді болу керек. Себебі «Қайратқа» әрқашан жоғары қысым болады.

Ойынға кез-келген сәтте кіруге дайын болу және матчтың қалған бөлігін сенімді түрде өткізу – қақпашы үшін өте маңызды қасиет. Менің ойымша, Темір жақсы ойнады және барлығы қолынан келді», – деді Ульянов.

Ульянов қазір «Ахмат» сапында ұлттық құраманың бұрынғы жаттықтырушысы Станислав Черчесовтың жетекшілігімен және Қазақстан құрамасының шабуылшысы Максим Самородовпен бірге өнер көрсетеді.

Глазгода өткен «Селтик» пен «Қайрат» арасындағы алғашқы ойын тең аяқталды. Қарымта кездесу 26 тамызда Алматыдағы Орталық стадионда өтеді.