Вахид Масудов: Сәтпаевтың арқасында ешкім Пауло мен Сантананы есіне алмайды

«Қайраттың» бұрынғы футболшысы әрі бапкері Вахид Масудов Дастан Сәтпаевтың дисквалификациясына қатысты пікір білдірді. 17 жастағы шабуылшы Чемпиондар Лигасының плей-офф раундында «Селтикке» қарсы жауапты ойынға сары қағаздарының көптігіне байланысты қатыса алмайды.

«Өз алаңымыздағы матчта Дастан жетіспейтін болады. Бүгінгі күні оның командаға толыққанды енгені сонша, ешкім Сантана мен Паулоны есіне алмайды. Бұл «Қайрат» үшін үлкен шығын – кеше түнде Сәтпаевтың қалай ойнағанын бәріміз көрдік. Мен жігіттердің жеңіске жетуін қалаймын, оларға кез-келген жағдайда жанкүйер боламын», – деді Масудов BorodAbata.kz (AS News) тілшісіне берген сұхбатында.

Глазгода Рафаэль Уразбахтиннің шәкірттері тең нәтижеге қол жеткізді (0:0). Алматылық команданың еурокубоктағы тағдыры 26 тамыз күні өз алаңындағы ойында анықталады.