Масудов – «Селтикпен» болған тең ойын жайлы: Уразбахтин барлығын дұрыс есептеді

«Қайраттың» бұрынғы футболшысы әрі бапкері Вахид Масудов «Селтикпен» болған тең ойынға (0:0) қатысты пікір білдірді. Алматылықтар өз алаңында өтетін Чемпиондар лигасындағы шешуші матч алдында қолайлы нәтижеге қол жеткізді.

«Түні бойы теледидардың алдында, «Қайратқа» жанкүйер болып, уайымдадым. Бұл нәтиже Рафаэль Уразбахтин мен оның бапкерлер штабының еңбегі деп айта аламын. Ол барлығын дұрыс есептеді: «Селтиктің» бос кеңістік бермей, оларды қателесуге және қақпадан алыс жерде ойнауға мәжбүр етті.

Заруцкий жасаған бір сейвті қоспағанда, қарсыластың іс жүзінде ешқандай мүмкіндігі болмады. Роджерстің алматылық команда оларды осындай ерекше баяу футбол ойнауға мәжбүрлегенін атап өтуі кездейсоқ емес», – деді Масудов BorodAbata.kz (AS News) тілшісіне берген сұхбатында.

«Қайраттың» Чемпиондар лигасындағы тағдыры 26 тамыз күні Алматыдағы қарымта кездесуде шешіледі.