Шотландиялық эксперт – «Селтик»-«Қайрат» матчы жайлы: қонақтар қысымның әсерінен сынып қалады

The Celtic Way спикері Джон МакГинли BorodAbata.kz (AS News) сайтына берген сұхбатында Чемпиондар лигасының плей-офф раундындағы шотландиялық «Селтик» пен алматылық «Қайрат» арасындағы алғашқы ойынға болжам жасады.

– Егер сіз барлық артықшылықтар мен кемшіліктерді таразылайтын болсаңыз, «Селтик» – анық фаворит. Командадағылардың барлығы өздеріне сенімді және өз алаңындағы ойынды барынша тиімді пайдалануды жоспарлап отыр. Оларда Хатате мен Нюгрен секілді мықты шабуылдаушы жартылай қорғаушылар бар, сондықтан «Қайратқа» оңай болмайды. Олар ойынның қарқыны мен пен қысымның әсерінен сынып қалуы мүмкін.

Мен 3:0 есебіне бәс тігемін, «Селтик» қарымта ойында да жеңіске ұмтылады.

Тамыздың 20-нан 21-не қараған түні алматылық «Қайрат» Глазгода «Селтикпен» күш сынасады. Қарымта кездесу 26 тамызда Алматының Орталық стадионында өтеді.