Инсайдер: Чебурин футболшыны боқтап, антиқаһарманға айналды

Литвалық комментатор әрі журналист Мантас Красницкас «Жальгирис» жанкүйерлерінің Владимир Чебуринге деген наразылығына қатысты пікір білдірді. «Каунасқа» қарсы ойында (1:2) клуб фанаттары алаңға чемодан лақтырып, бапкердің жұмыстан кетуін талап еткен еді.

«Лақтырылған чемодандар? Мен өмірімде мұндайды көрген емеспін. Бұл күтпеген жағдай болды. Байқағаныңыздай, Чебурин жауап ретінде қошемет жасады, бірақ матчтан кейін ол ұзақ уақыт бойы журналистерді «Жальгиристегі» жұмысын жалғастыратынына сендірді. Ол мұнда біраз трофей жеңіп алғанын айтты. Бұл 18 минуттық жиналыс болды, бірақ нақты ештеңе айтылмады.

Алғашында Чебурин нағыз қаһарман ретінде көрінді. Ол «Круояда» керемет маусым өткізді және «Судувада» жиі кубок жеңіп жүрді. «Жальгиристе» де жақсы бастады. Мен оның мінезі туралы айта алмаймын, өйткені орысша білмеймін және онымен тікелей байланыста болмадым, бірақ мысал келтірейін. Осы маусымда Ромуалдас Янсонас «Жальгиристен» «Каунасқа» кетті. Қос команданың ойынына кейін бұл 20 жастағы жігіт Чебуриннің қолын алмақшы болған еді, бірақ жауап ретінде: «жоғал әрі» деген бейәдеп сөздер естіді. Бұл айтулы эпизод. Қаһарманнан антиқаһарманға шықты», - деді литвалық тілші BorodAbata.kz сайтына берген сұхбатында.

Красницкастың айтуынша, қазақстандық маман «Жальгиристің» басқарма төрағасы Вильма Венсловайтенемен тығыз қарым-қатынаста. Команда биылғы маусымдағы төрт кездесуде бір-ақ рет жеңіске жеткен.