Тесак – «Слован» – «Қайрат» матчы туралы: Братиславада қиын болады

«Қайраттың» және Словакия құрамасының бұрынғы қорғаушысы Лукаш Тесак BorodAbata.kz сайтына берген сұхбатында Чемпиондар лигасының үшінші іріктеу кезеңінде алматылық клуб пен «Слован» арасындағы қарымта матч жайлы ойымен бөлісті.

«Мен «Слован» мүлдем басқаша ойнайды деп күтемін, ал «Қайратқа» оңай болмайды, тіпті өте қиын болады деп айтудан қорықпаймын. Мен «Слованның» не істей алатынын білемін, осы тұста «Қайратты» қатты құрметтесем де, келесі кезеңге словакиялықтар өтеді деп үміттенемін», – деді Тесак.

Қарымта кездесу 12 тамызда Братиславада өтеді. Жеңген команда Чемпиондар лигасының плей-офф раундында «Селтикке» қарсы ойнаса, жеңілген команда Еуропа лигасына жолдама алып, онда швейцариялық «Янг Бойзға» қарсы ойнайды.