Тесак – «Слованның» жеңілгені туралы: мәселе төрешіде емес

«Қайрат» пен Словакия құрамасының бұрынғы қорғаушысы Лукаш Тесак BorodAbata.kz тілшісіне берген сұхбатында Чемпиондар лигасының үшінші іріктеу кезеңінде «Слованның» алматылық клубтан жеңілгеніне (0:1) қатысты пікір білдірді.

«Командалар өте мұқият болды, себебі бұл өте маңызды матч. Өз кезегінде «Слован» нашар ойнады: допты аз ұстады, жасаған соққысы мен қауіпті шабуылдары да сирек болды. Сондықтан бапкер Вайсс қатты ашуланды, өйткені ол өз командасының әлдеқайда жақсы ойнауға қабілетті екенін біледі. Мәселе төрешілерде емес, бұл тек айтылар соңғы сылтау ғана», – деді Тесак.

Қарымта кездесу 12 тамызда Братиславада өтеді. Жеңіске жеткен команда «Селтикпен» Чемпиондар лигасының плей-офф раундында ойнайды, ал жеңілгені Еуропа лигасына жолдама алады.