Огай – Сәтпаевтың пенальтиі жайлы: мықты және өзіне сенімді екен

Қазақстандық сарапшы әрі бапкер Дмитрий Огай BorodAbata.kz сайтына берген сұхбатында Чемпиондар лигасының үшінші іріктеу кезеңінде «Слован Братиславаға» қарсы ойында (1:0) «Қайраттың» 16 жастағы шабуылшысы Дастан Сәтпаевтың пенальтиді орындауына қатысты пікір білдірді.

«Осындай маңызды матчта оның тайсалмай, 0:0 есебі кезінде сенімді соққы жасағаны – ақыл-ойының мықты екенін және мінезінің бар екенін көрсетті. Осындай жаста мұншалықты сенімді болу деген... Ойын алдында пенальтиді кімнің орындайтыны талқыланған. Оны матч барысында шешкен жоқ.

Біз Сәтпаевқа алғыс айтуымыз керек: мұндай матчта сенімді түрде барып, соққы жасау тамаша көрсеткіш. Ол мақтауға лайық. Бұл ең алдымен оның өз-өзімен жұмыс жасағанын, футболға деген көзқарасын көрсетіп, нақтылап берді. Ол өзін көрсетуді жалғастыруда. Бізде осындай таланттың өсіп келе жатқанына қуаныштымын», - деді Огай.

Алғашқы кездесу Алматыда өтіп, «Қайраттың» 1:0 есебімен жеңіске жетті. Қарымта матч 12 тамызда Братиславада өтеді.