Офри Арад – «Слованды» жеңгені туралы: бір механизм секілді ойнадық

«Қайраттың» израильдік қорғаушысы Офри Арад BorodAbata.kz сайтына берген сұхбатында Чемпиондар лигасының үшінші іріктеу кезеңінде «Слован Братислава» командасын жеңгені (1:0) туралы пікірімен бөлісіп, қарымта матч алдында команданың мүмкіндіктеріне баға берді.

«Біз бір механизм сияқты ойнадық. Матчқа қатысты өз жоспарымыз бар еді, ол туралы айта алмаймын, бірақ қарымта матчта бәрін көресіздер. Жеңіске жетіп, плей-офф кезеңіне шығамыз деп үміттенемін. Бүгінгі жеңісте жанкүйерлер маңызды рөл атқарды. Дегенмен, бізде «Слованмен» тағы бір кездесу бар, ол жақта да бәрі ойдағыдай болады деп сенеміз»

Жартылай қорғаушы Братиславадағы атмосфера мүлдем басқаша болатынын, бірақ команда бәріне дайын екенін атап өтті:

«Әрине, Братиславада басқаша ойын болады. Олардың тамаша жанкүйерлері бар, атмосферасы жоғары деңгейде. Дегенмен, біз дайынбыз. Бұл біздің сырт алаңда өткізетін алғашқы ойынымыз емес. Дәл бүгінгідей бір механизм болып жұмыс істеуіміз керек. Жеңіске жетеміз деген сенімдемін», – деді Арад.

«Қайрат» Алматыда «Слован» командасын 1:0 есебімен жеңген болатын. Қарымта кездесу келесі аптада Братиславада өтеді.