Владимир Вайсс – төрешінің жұмысы туралы: көп сәтте «Қайраттың» пайдасына шешім қабылданды

«Слован Братислава» командасының көшбасшысы әрі капитаны Владимир Вайсс «Қайратпен» болған матчтан (0:1) кейін BorodAbata.kz сайтына берген сұхбатында төрешінің жұмысына қатысты пікірін білдірді және ойыннан алған эмоцияларымен бөлісті.

«Ол эпизодты қайта қарауым керек. Мен төрешіге барған едім – ол фол болды деп айтты. Біз шынымен де ол жерде тәртіп бұзылды деп ойламаймыз.

Соған қарамастан, кейбір сәттерде ашуланып қалсақ та, төрешінің шешімін құрметтеуіміз керек. Кейбір эпизодтар «Қайраттың» пайдасына шешілді. Мәселен, 85-минутта олардың оң жақ қорғаушысы біздің ойыншымызға қарсы ереже бұзды, біздің ойымызша, ол сол сәтте екінші сары қағазын алуы керек еді.

Бірақ, болары болды, нәтиже тарихта қалды. Біз жеңілдік. Енді қалыпқа келіп, матчты саралап, Братиславада «Қайратты» жеңу үшін барлығын жасау керек», – деді Вайсс.

Қарымта кездесу 12 тамызда Словакияда өтеді. Матчтың жеңімпазы Чемпиондар лигасының плей-офф кезеңіне өтеді, ал жеңілгені Конференция лигасының топтық кезеңіне шығуға мүмкіндік алады.