«Слован» капитаны: әкем үшін жеңгіміз келді

«Слован Братиславаның» капитаны Владимир Вайсс BorodAbata.kz сайытна берген сұхбатында Чемпиондар лигасының үшінші іріктеу кезеңінде «Қайратпен» болған алғашқы матчты (0:1) қорытындылады.

«Баспасөз мәслихатында әкемді журналистердің қалай жылы қарсы алғанын естідім. Ол аузын ашса жүрегі көрінетін адам. Мен оның Қазақстан, «Қайрат», клуб президенті мен қызметкерлері және ойыншылары туралы жылы лебізін айтқанын білемін. Әкем сол кездерді жақсы көретін.

Алматыға оралу ол үшін өте эмоционалды жағдай болды. Біз әкем үшін шынымен жеңгіміз келді. Өкінішке орай, гол соға алмадық, сәйкесінше ұтылып қалдық. Енді келесі кезеңге өту үшін Братиславаға оралып, екінші матчқа жақсылап дайындалу керек», – деді Вайс.

Айта кету керек, «Слованды» ойыншының әкесі Владимир Вайсс жаттықтырады. Ол бұған дейін алматылық клубта жұмыс істеген және онымен ішкі біріншілікте және еурокубоктарда елеулі табыстарға қол жеткізген.

Қарымта ойын келесі аптада Словакияда өтеді. Жеңімпаз команда Чемпиондар лигасының плей-офф кезеңіне өтеді, ал жеңілгені Еуропа лигасының плей-офф раундында ойнайды.