Петржела: Чехия футболы Қазақстан футболынан жоғары

Белгілі чехиялық бапкер Властимил Петржела «Спартаның» «Ақтөбені» жеңгеніне (4:0) қатысты пікір білдірді. Алғашқы ойында ақтөбелік футболшылар 2:1 есебімен жеңіске жеткен еді.

«Бәрі мен күткендей болды – «Спарта» өз алаңында жағдайды ретке келтірді. Чехия футболы Қазақстан футболынан жоғары. «Ақтөбенің» бірінші таймды сәтті қорғағаны рас. Бірақ шешуші рөл атқарған жеті минутта «Спарта» үш гол соқты», – деді Петржела BorodAbata.kz сайтына берген сұхбатында.

Еуропа лигасында «Легиядан» (0:2), одан кейін Конференция лигасында «Спартадан» ұтылған «Ақтөбе» үшін еурокубок маусымы аяқталды. Команда Премьер-лига кестесінде төртінші орында келеді.