«Қайрат» легионері «Аталантамен» өтетін матч туралы: тең нәтиженің өзі өте жақсы болады

Алматылық «Қайраттың» финдік жартылай қорғаушысы Ойва Юккола матч алдындағы баспасөз мәслихатында италиялық «Аталантаға» қарсы Конференциялар лигасы жалпы кезеңінің үшінші туры аясындағы сырт алаңдағы кездесуден не күтетінін бөлісті, деп хабарлайды ASnews.kz.

Команданың көңіл-күйі мен мүмкіндіктері туралы

«Осында болғанымызға қуаныштымыз. Бүгін бізді жаттығу, ал ертең үлкен ойын күтіп тұр. Бұл матч біз үшін жақсы тәжірибе болады деп үміттенемін. Бұл тек тәжірибе жинау емес, тіпті бір ұпай алудың өзі өте жақсы нәтиже болар еді. Осыған қол жеткізу үшін 100%-ға бар күшімізді салуымыз керек. Бізде бақ сынасуға барлық мүмкіндік бар».

Ойынның өзгеруі мен контрпрессингке басымдық беру туралы

«Бапкерлер ауысқалы бері көп уақыт өте қойған жоқ. Бұл – жаңа процестің басы, біз өзгерістерді көріп отырмыз, бірақ жүйеге сәл уақыт беру керек. Жаттығулар құрылымы да, ойынның өзі де өзгерді. Қазір басты басымдықтардың бірі контрпрессингке беріліп отыр: енді әрбір ойыншы доптан айырылған бойда барынша белсенді әрекет етуге міндетті. Бұл – кездесу ағымын бақылауда ұстау үшін сапалы орындалуы тиіс негізгі элемент. Доппен болсақ та, допсыз болсақ та өте белсенді болуымыз керек».

Айта кетейік, Конференция лигасы 2026/27 маусымының жалпы кезеңіндегі үшінші тур аясындағы «Аталанта»—«Қайрат» матчы бейсенбі, 5 қарашада Бергамода өтеді. Кездесу Қазақстан уақытымен сағат 22:45-те басталады.