Тесак – «Қайрат» – «Слован» матчы туралы: Вайсс үшін принципиалды матч болады

Алматылық «Қайраттың» және Словакия құрамасының бұрынғы қорғаушысы Лукаш Тесак BorodAbata.kz сайтына берген сұхбатында Чемпиондар лигасының үшінші іріктеу кезеңіндегі «Қайрат» пен «Слован Братислава» арасындағы ойын туралы өз ойымен бөлісті.

«Менің білуімше, қазір «Қайратта» менімен бірге ойнаған бірде-бір ойыншы қалмады, сондықтан олардың ойынына қазір объективті түрде баға беру қиын. Бірақ бұл текетіресте «Слованға» оңай болмайды деп ойлаймын. Оның үстіне матч принципиалды – әсіресе кезінде «Қайратта» жұмыс істеген «Слованның» бас бапкері Владимир Вайсс үшін. Ол тәжірибелі маман және үшінші кезеңде әлсіз командалардың болмайтын жақсы түсінеді», – деді Тесак.

Ол сондай-ақ жанкүйерлердің маңыздылығын атап өтті:

«Словакияда да, Қазақстанда да ойынның лық толы стадионда өтетініне қуаныштымын. Жанкүйерлер шынымен де жоғары сападағы футболды тамашалай алады. Менің ойымша, «Слован» тәжірибесінің арқасында келесі кезеңге өтуі керек. Дегенмен, бәріміз білетіндей, бұл футбол – доп домалақ және бәрі де болуы мүмкін».

Лукаш Тесак 2016 жылғы маусымда алматылық «Қайрат» сапында ойнады, 21 матч өткізіп, команданың Қазақстан Суперкубогын жеңіп алуына көмектесті.

Бұған дейін «Динамо» мен Словакия құрамасының бұрынғы шабуылшысы Мартин Якубко да «Қайрат» – «Слован» матчы туралы пікірімен бөліскен болатын.