Словакия құрамасының экс-футболшысы: «Қайрат» – Қазақстандағы үздік клубтардың бірі

«Динамо» мен Словакия құрамасының бұрынғы шабуылшысы Мартин Якубко «Қайрат» пен «Слован» матчы жайлы пікірімен бөлісті. Клубтар Чемпиондар лигасының жолдамасы үшін таласады.

«Мен «Қайраттың» ойынын қарамаймын, бірақ бұл Қазақстандағы ең үздік командалардың бірі деп естідім. «Слован» туралы да солай айтуға болады – бұл Словакияның топ командасы. Олардың тамаша ойыншылары бар. Сондықтан қос команданың бұл матчтағы мүмкіндіктерін бағалау мен үшін өте қиын.

«Слован» үшін маусымның енді ғана басталып жатқаны кедергі бола ма? Жоқ, бұл қиындық тудырмауы керек: Олар еурокубокта екі және чемпионатта бір матч өткізіп үлгерді. Сонымен қатар, бапкерлер штабы әрқашан команданы турнирлерге кедергісіз жеткізуге тырысады. Мен олардың көзірлерін ашпаймын, өйткені бұл жолы «Слованға» жанкүйермін (күлді)», – деді Куба BorodAbata.kz сайтына берген сұхбатында.

Чемпиондар лигасының үшінші іріктеу кезеңіндегі алғашқы ойын 6 тамызда Алматыда, қарымта кездесу 13 тамызда Братиславада өтеді. Слованды 2013-2015 жылдар аралығында «Қайратта» жұмыс істеген Владимир Вайсс жаттықтырады.

Бұған дейін алматылық клубтың капитаны Әділет Садыбеков команданың еурокубоктардағы келесі қарсыласына баға берген болатын.