«Панатинаикосқа» «Қайратқа» қарсы қиналады»: «Олимпиакостың» экс-ойыншысы Конференция лигасының матчы туралы

Елордалық «Жеңістің» бұрынғы жартылай қорғаушысы Василиос Карагунис ASnews.kz сайтына берген сұхбатында УЕФА Конференция лигасының жалпы кезеңінің екінші туры аясындағы алматылық «Қайрат» пен афиналық «Панатинаикос» арасындағы алдағы матчтағы қазақстандық клубтың мүмкіндіктері туралы пікірімен бөлісті.

«Қайраттың» мүмкіндігі бар, әсіресе өз алаңында. Команда ішкі біріншілікте бәсекеге қабілетті және Еуропада «Ригаға» қарсы матчтағыдай есепте алда бола алатынын көрсетті. Алайда, еурокубоктарда олардың қорғанысы осалдау, сондай-ақ «Панатинаикоспен» салыстырғанда жалпы құрамның тереңдігі мен тәжірибесі жетіспейді. Егер алматылықтар жинақы ойнап, қарымта шабуылдарда салқынқандылық танытса, тең ойын немесе өз алаңындағы минималды жеңіс болуы мүмкін, бірақ олар – айқын аутсайдерлер. Сондай-ақ, ұзақ ұшу факторы мен «Панатинаикос» ойыншыларының шаршауын да ескеру қажет», – деп атап өтті Карагунис.

Грекиялық хавбек қарсыласудың фавориті кездесудің басында қарсыласты бағаламаған жағдайда, Алматыда ұпай жоғалтуы мүмкін екенін де жоққа шығармайды:

«Бұл әбден мүмкін. Қазақстанға жасалатын сапарлар ешқашан оңай болмайды: ұзақ ұшу, басқа жағдайлар, жанкүйерлердің қызу қолдауы және «Қайраттың» күшке салатын, тікбақай футбол ойнау қабілеті. «Панатинаикостың» соңғы еуропалық матчтардағы класы мен бабы жақсы, бірақ егер олар алғашқы минуттардан бастап байсалдылық танытпаса немесе бірінші болып гол жіберіп алса, ойын олар үшін өте қиынға соғуы мүмкін. Дегенмен, олардың шабуылдаушы әлеуеті мен ойынды тамаша ұйымдастыруы көп жағдайда оларға басымдық беруі тиіс».

Еске салайық, «Қайрат» пен «Панатинаикос» арасындағы Конференция лигасының матчы бүгін, 22 қазанда Алматыдағы Орталық стадионда өтеді. Кездесу Қазақстан уақытымен 19:30-да басталады.

Грекиялық жартылай қорғаушы Василиос Карагунис елордалық «Жеңіс» сапында 2024 жылдың бірінші жартысында өнер көрсетті. Мансабының бастапқы кезеңдерінде ол италиялық «Удинезе» мен грекиялық «Олимпиакос» жүйесінде болып, жалға алу құқығымен италиялық «Реджина» мен грекиялық «Аристе» ойнады. Сонымен қатар, хавбек кипрлік АЕЛ және «Эрмис», грузиялық «Торпедо» (Кутаиси), косоволық «Фероникели 74» клубтарының, сондай-ақ «Ираклис», «Платаниас» және «Каламата» сияқты бірқатар грек командаларының намысын қорғады. 2025 жылдың шілде айында футболшы кәсіби мансабын аяқтады.

«Қайрат»—«Панатинаикос»: Конференция лигасы ойынына болжам мен бәс тігу