Огай – «Қайраттың» камбэгі жайлы: «КуПС» әлсіз көрінді

Танымал қазақстандық бапкер әрі сарапшы Дмитрий Огай BorodAbata.kz сайтына берген сұхбатында «Қайраттың» Чемпиондар лигасының екінші іріктеу кезеңінде финляндиялық «КуПС-пен» болған қарымта кездесуіне баға берді.

«Қайрат» алғашқы минуттардағы қысым мен шабуылдағы ойынының арқасында КуПС-ты жеңіп кетті. Бұл матчта алматылық команда жақсы қырынан көрінді. «Қайраттың» стратегиялық жоспары 100 пайызға орындалды. «КуПС-тың» неге соншалықты әлсіз көрінгенін айту қиын. Олардың Алматыға жетуі қиын болды: бір тобы Франкфурт, екіншісі Стамбул арқылы. Менің ойымша, бұл факторлар олардың ойынына әсер етуі мүмкін».

Огай сонымен қатар бразилиялық шабуылшы Эдмилсонның ойынына пікір білдірді:

«Оның ойынына баға беру қиын. «Ордабасымен» болған матчта ол қосалқы құрамнан алаңға шығып, біраз уақыттан кейін қызыл қағаз алды. Оның ойындағы сапасына баға бере алмаймын. Иә, денесіне қарағанда, ол қапталдан және қорғаныстан асырылған пастарға таласып, ойынға агрессия әкелу керек еді. Эдмилсон солай жасады, бірақ гол соғатын мүмкіндіктерін мүлт жіберді. Ол туралы қорытындыны бірнеше ойын өткізіп, командаға бейімделгеннен кейін жасауға болады».

Қарымта кездесуде «Қайрат» «КуПС-ты» 3:0 есебімен жеңіп, Чемпиондар лигасының келесі кезеңіне өтті. Сәтпаев, Жоржиньо және Громыко мергендігімен көзге түсті. Енді оларды үшінші раундта Братиславаның «Слованы» күтіп тұр.

Бұған дейін алматылық клубтың капитаны Әділет Садыбеков еурокубоктағы команданың келесі қарсыласына баға берген болатын.