«Ақтөбенің» бұрынғы бапкері: «Спартамен» болатын матчта тек жеңіс туралы ойлау керек

«Ақтөбенің» бұрынғы бапкері Владимир Газзаев чехиялық «Спартаға» қарсы ойын туралы пікірімен бөлісті. Конференция лигасының екінші іріктеу кезеңіндегі қарымта матч 31 шілдеде өтеді.

«Өз алаңындағы жақсы нәтиже мені қатты қуантты, бірақ біз қазір «Ақтөбені» қиын қарымта матч күтіп тұрғанын түсінуіміз керек. Бір гол айырмашылықты ескере отырып, команда міндетті түрде келесі кезеңге өтуді мақсат етуі керек, мен оларға осыны тілеймін.

«Ақтөбенің» тарихы терең, дәстүрі бар. Олар еурокубок кезінде ғана емес, Премьер-лиганың барлық ойындарында стадионды толтыратын жанкүйерлерімен танымал. Бұл нағыз футбол атмосферасын жасайды. Сондықтан жігіттерге тек «Спартаны» жеңу туралы ойлау керек», - деді Газзаев BorodAbata.kz сайтына берген сұхбатында.

Қазақстанда өткен алғашқы кездесу 2:1 есебімен аяқталған болатын. «Ақ-қызылдар» сапында Даниэль Соса мен Оралхан Өміртаев гол соқты.

Газзаев «Ақтөбені» 2014-2015 жылдар аралығында жаттықтырған. 45 жастағы маман «Тобыл» мен «Тұранда» да жұмыс істеген.