Властимил Петржела: «Спарта» «Ақтөбені» Ауғанстанда жеңеді

Белгілі чех маманы Властимил Петржела «Спарта» мен «Ақтөбе» арасындағы Конференция лигасының кездесуін бағалады.

«Спартаның» «Ақтөбені» жеңуге үлкен мүмкіндігі бар. Меніңше, Чехияда сіздердің клубыңызды ешкім сыйламайды, кейбіреулер ол туралы тіпті білмейді. «Спарта» «Ақтөбені» тіпті Ауғанстанда, дәлірек айтсақ, Қазақстанда да жеңеді (күледі). Чехиялық футбол деңгейі әлдеқайда жоғары болып тұр.

Ақтөбеде өте ыстық болады ғой? Біз бұл ойынды теледидардан көрсетеміз, сондықтан алаңды бақылап, стадионға баға беретін боламыз. Оларда жанкүйерлердің керемет қолдауы бар, бірақ Прагада жағдай қиындау болады», – деді сөзін BorodAbata.kz сайтына берген сұхбатында.

Айта кетейік, алғашқы матч 24 шілдеде Қобыланды батыр атындағы стадионда өтеді. Қарымта кездесу дәл бір аптадан кейін болады. Прагалық «Спарта» алғашқы турдан кейін ел чемпионатындағы турнир кестесінде 11-орында тұр.

Петржела – Чехияның ең тәжірибелі бапкерлерінің бірі. Ол 511 кездесуге бапкерлік еткен, сонымен қатар 2000 жылдары «Зенитті» де жаттықтырған еді.