Йерабек – «Ақтөбе»-«Спарта» ойыны жайлы: атмосфера ғаламат болады

«Ақтөбенің» бұрынғы чехиялық қорғаушысы Михал Йерабек BorodAbata.kz сайтына берген сұхбатында «Ақтөбе» мен «Спарта Прага» арасындағы матч туралы ойымен бөлісті.

«Менің ойымша, «Спарта» – айқын фаворит, бірақ Ақтөбедегі алғашқы матч олар үшін қиын болуы мүмкін. Ол жердегі атмосфера ғаламат болады, жанкүйерлердің «Ақтөбеге» көмектесетіні анық. Сондықтан тартысты және қиын ойын күтемін».

Йерабек чехиялық команданың Қазақстанның ыстық ауа-райына бейімделуі жайлы да пікір білдірді:

«Олар кәсіби футболшылар. Тез үйренеді деп ойлаймын. «Спарта» кешеден бері Ақтөбеде жүр, сондықтан екі күн оларға жетуі тиіс».

Сондай-ақ, «Ақтөбенің» экс-футболшысы қазақстандық клуб үшін өз алаңындағы матчтың маңыздылығын атап өтті:

«Алғашқы ойында шешуші рөлді өз алаңындағы фанаттар атқарады. Қазақстандағы ең үздік жанкүйерлер дәл сол Ақтөбеде. Менде тек жақсы естеліктер қалды. Қазір сол кездерді сағынамын», – деді Йрабек.

Командалар арасындағы алғашқы ойын 24 шілдеде Ақтөбеде, қарымта матч 31 шілдеде Прагада өтеді.