Қазақстандық клубтарды жаттықтырған Минасян: «Арарат» – рухты команда

«Тобыл» мен «Тараздың» бұрынғы бапкері Вардан Минасян «Ақтөбенің» Конференция лигасындағы ықтимал қарсыластары туралы пікір білдірді. Егер «ақ-қызылдар» «Спартаны» жеңсе, үшінші іріктеу кезеңінде «Арарат» – «Клуж» жұбының жеңімпазымен ойнайды.

«Мен «Клуж» – жаңа маусымды керемет бастаған бәсекеге қабілетті клуб екенін білемін. «Араратта» өзгерістер көп болды: менің кезімде команданың тірегі болған ойыншылар кетіп қалды, қазір құрам 30-40 пайызға жаңарды. Жаңа бапкер мен ойыншылардың келгенін есепке алсақ, командаға уақыт керек болады. Бірақ олар осы уақытқа дейін Еуропа лигасы мен Конференция лигасында жақсы өнер көрсетіп жүрді.

«Арараттың» әрқашан өзіне тән рухы бар. Кім ойнаса да, өзгере қоймайды, сондықтан мен румындарға қарсы мүмкіндікті 50/50 деп бағалаймын. Оның үстіне, командалардың деңгейі бірдей, ол жақта маусым енді басталып жатыр», - деді 51 жастағы маман BorodAbata.kz сайтына берген сұхбатында.

Минасян «Араратта» осы жылдың маусым айына дейін жұмыс істеді. Команданың трансферлік құны 5,55 миллион еуроға бағаланып отыр, олардың арасында Камо Оганесян да бар. Ол бұған дейін «Жетісу», «Қайрат» және «Астана» командаларында өнер көрсеткен.