Косович: «Қайрат» жастары ЧЛ-на шыға алады

«Қайраттың» бұрынғы жартылай қорғаушысы Небойша Косович алдағы КуПС-пен болатын матч туралы болжамымен бөлісіп, Қазақстанға қайта оралу мүмкіндігін бағалады.

«Мен «Қайратты» әрқашан қолдаймын. Себебі бұл клубта тамаша уақыт өткіздім, ал Алматы менің өмірімдегі ең жақсы қалалардың бірі. Олар КуПС-ті жеңе алады: командада шеберліктері мол, жас және аш ойыншылар бар. Өз алаңындағы матчта сенімді түрде ойнайтыны анық. Мен қазірдің өзінде Станоевтың пасынан кейін Сәтпаевтың гол соққанын көріп тұрмын (күлді). Командаға сәттілік тілеймін!

ҚПЛ-ға қайта орала аламын ба? Мен осы қыста бірнеше қазақстандық клубтармен сөйлестім, бірақ нақты келіссөздер болмады. Мүмкін болашақта бірдеңе болатын шығар. Кім біледі?» – деді Косович BorodAbata.kz сайтына берген сұхбатында.

Черногориялық футболшы «Қайратта» екі жыл өнер көрсетіп, 9 гол мен 10 нәтижелі пастың авторы атанды. Одан кейін жартылай қорғаушы қытайлық «Мэйчжоуда» ойнады, ал қазір Сауд Арабиясының «Аль-Таи» клубында доп теуіп жүр.