Парфенов «Ақтөбенің» мүмкіндіктері жайлы: «Спарта» – «Легиядан» мықтырақ

«Ақтөбенің» бұрынғы бас бапкері Дмитрий Парфенов «ақ-қызылдардың» «Спарта Прагаға» қарсы ойындағы мүмкіндігін бағалап өтті. 

– «Легиямен» болған матчта да жеңіске жетуге болар еді, ең бастысы – екі кездесуде де өзіңді жақсы қырынан көрсету.

Кейде сәттілік көмектеседі. Бірақ «Спарта» шынымен де сәл мықтырақ ұжым. Чехтар ұйымдасқан түрде және барын салып ойнайды.

– Қазіргі команданың сіз жаттықтырған ұжымнан қандай айырмашылығы бар?

– Айырмашылық жайлы айту орынсыз болар еді. Бірақ біз жиі тәуекелге барып, шабуылға ойнауға ұмтылатынбыз, – деді Парфенов BorodAbata.kz сайтына берген сұхбатында.

«Ақтөбе» өткен екі матчта да «Легияның» қақпасына гол соға алмады (екеуінде де 0:1 есебі тіркелді). Енді олар Конференция лигасының екінші іріктеу кезеңінде «Спарта Прага» командасымен кездеседі.