«Торпедо» шабуылшысы Фелипе Пирес: Жоржиньо мен Ауро Шымкентте ойнау қиын екенін ескертті

Конференция лигасының бірінші іріктеу кезеңінде «Торпедо» командасына «Ордабасыны» тізе бүктіруге көмектескен бразилиялық шабуылшы Фелипе Пирес BorodAbata.kz сайтына сұхбат беріп, Шымкенттегі тартысты матч (1:1) туралы пікір білдірді.

– Бұл өте ауыр матч болды. Біз бұл жерде ойнау қиын екенін келмей жатып білдік.

Менің бұл қалада бұрын ойнаған екі досым бар – Жоржиньо мен Ауро. Олар «Ордабасының» жанкүйерлері өте керемет екенін және команданың мықты екенін ескерткен. Дегенмен, біз алғашқы 20 минутта гол соғып, біраз жеңілдеп қалдық. Екінші таймда қызыл қағаз алып, он адаммен ойнауға мәжбүр болдық. Бұл әрине, қиындық тудырды. Бірақ біз жеңіске жетіп, келесі кезеңге өттік – бұл біз үшін жақсы нәтиже.

Бразилиялық футболшы ойын алдындағы атмосфера жайлы да пікір білдірді:

– Қонақ үй маңындағы түнгі отшашулар біз үшін үлкен мәселе емес. Бұл футболдың бір бөлігі. Бұл тек маған емес, бәріне де ұнайды. Бұл – қысым, үлкен матч. Мұндай ойындарды жақсы көреміз.

Екі матчтың қорытындысы бойынша «Торпедо» «Ордабасыны» 5:4 есебімен жеңіп, келесі кезеңге өтті. Енді олар Кипрдің «Омониясымен» күш сынасады.