«Торпедо» футболшысы: отшашудың дауысын естіп, таңғы үште ояндым

«Торпедо Кутаисидің» норвегиялық шабуылшысы Бьорн Йонсен BorodAbata.kz сайтына берген сұхбатында «Ордабасы» жанкүйерлерінің грузиялық ұжымды Шымкенттегі қарымта матч алдында қалай қарсы алғаны туралы айтып, Конференция лиганың келесі кезеңі жайлы пікір білдірді.

– Түнде отшашуды естідің бе?

– Иә, әрине. Мен шуды естіп, таңғы 3-те ояндым. Терезеден қарасам, жанкүйерлер екен. Бұл футболдың бір бөлігі. Мұндай қолдау атмосфераны, эмоцияларды тудырады. Сіз сол жанкүйерлерді мақтан тұта аласыз. Шымкент өте әдемі қала екен.

– Бұл сіздің ұйқы режиміңізді бұзды ма?

– Жоқ, жай ғана оянып, не болып жатқанын көріп, қайтадан ұйықтап қалдым. Мәселе жоқ. Мұны эмоция десек те болады. Жарайды, кішкентай балаларда да солай болмай ма?

– Соңғы сұрақ: енді сіздерді Кипрдің «Омониясы» күтіп тұр. Алдағы қарсыласыңыз туралы ойладыңыз ба?

– Бұл туралы әлі ойлануға уақыт болған жоқ. Біз бар назарымызды «Ордабасыға» аудардық – команда шынымен де мықты екен. Енді «Омониямен» кездесеміз. Ол кезде кипрлік клубтан жеңіліп қалған едік. Бірақ қазір бізде күшті команда бар, менің ойымша, олардан да өтуге мүмкіндігіміз бар.

Бұл дәл бүгінгідей қиын ойын болады. Бірақ біз болашаққа сеніммен қараймыз. Алғашқы ойынымыз сырт алаңда өтеді екен.

«Торпедо Кутаисидің» Конференция лигасының екінші іріктеу кезеңіндегі қарсыласы кипрлік «Омония» болады.