«Қайрат» кіммен ойнайды? Конференция лигасына қатысатын барлық ұжымдар белгілі болды

Алматылық «Қайрат» өз тарихында екінші рет 2026/27 жылғы маусымдағы УЕФА Конференциялар лигасының негізгі кезеңінде өнер көрсетеді, деп хабарлайды ASnews.kz.

Іріктеу раундтарының қорытындысы бойынша жалпы кезеңде бақ сынайтын барлық 36 клубтың құрамы анықталды. 28 тамызда өтетін жеребе алдында командалар алты себетке бөлінді. Қазақстандық клуб төртінші себетке орналасты:

• 1-себет: «Аталанта» (Италия), «Брага» (Португалия), «Аякс» (Нидерланды), «Фрайбург» (Германия), «Монако» (Франция), «Копенгаген» (Дания).

• 2-себет: «Мидтьюлланн» (Дания), «Црвена Звезда» (Сербия), «Гент» (Бельгия), «Панатинаикос» (Греция), «Пафос» (Кипр), «Брайтон» (Англия).

• 3-себет: «Лугано» (Швейцария), «Хетафе» (Испания), «Твенте» (Нидерланды), КуПС (Финляндия), «Борац» (Босния және Герцеговина), «Сент-Труйден» (Бельгия).

• 4-себет: «Қайрат» (Қазақстан), «Линкольн» (Гибралтар), «Бранн» (Норвегия), «Хартс» (Шотландия), «Трабзонспор» (Түркия), «Университатя» (Румыния).

• 5-себет: «Рига» (Латвия), «Хайдук» (Хорватия), «Яблонец» (Чехия), «Нордшеллан» (Дания), «Интер Клуб Эскальдес» (Андорра), «Орхус» (Дания).

• 6-себет: «Тун» (Швейцария), ЦСКА (Болгария), «Жальгирис» (Литва), «Мьельбю» (Дания), «Иберия 1999» (Грузия), «Эгнатия» (Албания).

Алматылықтар еурокубоктық жолын Чемпиондар лигасының іріктеуінен бастап, Черногорияның «Сутьеска» және Кипрдің «Омония» ұжымдарын жеңді, бірақ Болгарияның «Левски» клубына жол берді. Еуропа лигасының плей-офф раундында Рафаэль Оразбахтиннің шәкірттері бельгиялық «Андерлехтке» есе жіберіп, Конференциялар лигасына ауысты.