Бьорн Йонсен – Шымкенттегі ауа райы туралы: тыныс алу қиынырақ, бірақ дайынбыз

Кутаисидің «Торпедо» командасының шабуылшысы әрі «Ордабасыға» қарсы алғашқы ойында дубль авторы Бьорн Йонсен BorodAbata.kz-ке берген сұхбатында шымкенттік аптап жайлы әсерімен бөлісті және команда екінші кездесу үшін қалай дайындалып жатқанын айтты.

«Кутаисидің өзінде де ыстық, бірақ Шымкенттің ауасында тыныс алу қиынырақ. Клуб басшылығына алғыс айтамыз – бізді ертерек келтіріп, акклиматизация жасауға мүмкіндік берді. Кешегі жаттығуда қалай ойнау керектігін, ауа райына қалай бейімделу керектігін түсініп алдық. Сол себепті еврокубоктық матчтар қызық. Өткен жылы «Челси» Алматыға келгенде, лондондықтардың суыққа қалай төзе алмай қалғанын көрдіңіздер. Қазір жаз, ауа мен менталитет өзгеше. Ойын мәжбүрлі түрде жылдам болмауы да мүмкін», – деді Йонсен.

Еске салайық, «Ордабасы» мен «Торпедо» арасындағы Конференциялар лигасының іріктеу кезеңінің жауапты матчы 17 шілдеде Шымкентте өтеді. Бірінші кездесу 4:3 есебімен грузиялық команданың пайдасына аяқталған.