«Ордабасы» бапкері: клуб матч тағдырын жалғыз өзі шеше алатын шабуылшы іздеуде

«Ордабасының» бас бапкері Андрей Мартин клуб жаңа шабуылшы іздеуді жалғастырып жатқанын айтты. Ол сондай-ақ команданың жазғы трансферлері мен жанкүйерлердің реакциясына баға берді, деп хабарлайды BorodAbata.kz.

«Жанкүйерлерге «Астанамен» өткен соңғы ойын ұнаса керек. Алаңнан кетіп бара жатқан Влад Наумецті фанаттар жақсы қолдады – бұл жақсылықтың нышаны. Жаңадан келген футболшылардың барлығы сапалы: екеуі Украина чемпионатынан, біреуі Румыниядан келді және барлығы еурокубокта ойнаған клубтардан ауысты. Бұл жігіттер командаға бәсекелестік пен тұрақтылық қосты, біз үшін пайдалы болады деп сенемін», – деді Мартин.

Жаттықтырушының айтуынша, клуб бұл трансферлермен шектеліп қалмайды:

«Біз тағы бір шабуылшы іздейміз, ол ойынды жалғыз өзі шеше алатын, тәжірибесі бар бомбардир болуы тиіс. Мұндай футболшылардың сирек екені рас, бірақ келісімге келсек, бұл позициямызды нығайта түсеміз. Клуб бұл үшін қолдан келгеннің бәрін жасап жатыр», - деді «Ордабасы» бапкері.

Жазғы трансферлік терезеде шымкенттік клубқа Эльхан Астанов, Абылайхан Жұмабек, Владислав Наумец, Михай Кэпэцыне және Юрий Вакулко қосылды.