Сағадат Тұрсынбай – «Торпедоға» қарсы ойын туралы: өз клубыма көмектесе аламын деген үміттемін

«Ордабасы» клубының қорғаушысы Сағадат Тұрсынбай BorodAbata.kz сайтына берген сұхбатында «Торпедоға» қарсы өтетін Конференция лигасының іріктеу кезеңіндегі қарымта матч туралы ойымен бөлісті.

«Ертеңгі ойынға жақсы дайындалдық. Құдай қаласа, жақсы нәтижеге қол жеткіземіз. Еурокубоктегі голдарға келсек, Алла қаласа, өз командама көмектесемін деген үміттемін. Қазір ешқандай болжам жасай алмаймын, себебі ертең алаңға шықпай қалуым да ғажап емес. Бірақ бәрі ойдағыдай болады деп сенемін», - деді Тұрсынбай.

Алғашқы ойында «Ордабасы» «Торпедодан» 3:4 есебімен жеңіліп қалды. Қарымта матч 17 шілдеде Шымкентте өтеді.