Есе қайтарамыз ба? Болгарияда «Левскиге» қарсы ЧЛ матчы алдында «Қайратты» мазақ қылды

Алматылық «Қайрат» пен софиялық «Левски» арасындағы Чемпиондар лигасының үшінші іріктеу кезеңіндегі қарымта матч алдында болгариялық Palms Sport спорттық ресурсы арандатушылық жазба жариялады, деп хабарлайды ASnews.kz.

Басылым нейрожелі көмегімен жасалған суретті бөлісті. Онда «Левски» формасын киген жас жанкүйер «Қайрат» экипировкасындағы баланың жеңінен Чемпиондар лигасының фирмалық логотибін сыпырып алып жатқаны бейнеленген.

«Бұл биыл саған керек болмайды», – делінген арттағы болгар фанатының репликасында.

Әлеуметтік желідегі бұл жарияланымға авторлар: «Практикалық тәсіл» деп ирониямен қол қойған. Осылайша, Болгарияда алматылықтардың еуропалық басты клубтық турнирден сөзсіз шығып қалатынына меңзеп отыр.

Софияда өткен ойында «Қайрат» кездесудің ең соңында жалғыз голды жіберіп алып, «Левскиге» 0:1 есебімен жол берген болатын.

Чемпиондар лигасы іріктеуінің плей-офф кезеңіне шығу үшін өтетін жауапты кездесу 11 тамыз күні «Түркістан Аренада» өтеді.

Болгарияда Түркістанға баға беріп, «Қайратқа» қарсы матч алдында жергілікті түйелерге «Левски» формасын кигізді

«Шегінерге жол жоқ»: «Қайраттың» бапкері Уразбахтин «Левскиге» қарсы ойынға дайындық жайлы айтты