Жоржиньо – ЧЛ келесі кезеңіне өту жайлы: егер жұмыс істеуді жалғастырмасақ, бұл жеңістің маңызы жоқ

«Олимпияға» қарсы матчта гол соғып, нәтижелі пас берген алматылық «Қайраттың» шабуылшысы Жоржиньо BorodAbata.kz сайтына берген сұхбатында команда бар назарын енді Қазақстан Премьер-лигасына аударғанын айтты.

«Чемпиондар лигасындағы келесі қарсыластың кім болатыны мен үшін маңызды емес. Қазір мен бар назарымды толықтай «Қайсармен» болатын ойынға аударып отырмын. Бұл – біз үшін маңызды матч, себебі Премьер-лиганы ұмытпауымыз керек.

Егер жұмыс істеуді жалғастырмасақ, бұл жеңістің еш мәні болмайды. Жетістікке жетудің құпиясы – тұрақтылық. Біз әрдайым тұрақты ойнауымыз керек. Қазіргі басты мақсатым – «Қайсарға» қарсы ойынға жақсылап дайындалу», – деді Жоржиньо.

«Қайраттың» келесі ойыны Қазақстан Премьер-лигасы аясында өтеді. Рафаэль Уразбахтин шәкірттері 19 шілде күні Қызылорданың «Қайсарын» қабылдайды.