Дамир Қасаболат: жоспар бойынша ойнадық – стадиондағы атмосфера керемет болды

Алматылық «Қайраттың» жас қорғаушысы Дамир Қасаболат BorodAbata.kz сайтына берген сұхбатында «Олимпияға» қарсы өткен жауапты матч (2:0) жайлы өз пікірін білдірді. 

«Әрине, жылдам гол бізге көмектесті. Біз басынан-ақ осындай ойын үлгісін көрсетуді жоспарлағанбыз. Қарсыластың жоғары ойнайтынын білдік, сондықтан қорғаныста отырып, қарымта шабуылдар арқылы өз мүмкіндігімізді іздедік. Осылайша қауіпті сәттер тудырып, оларды пайдаландық», – деді Қасаболат.

Футболшы өз позициясы жайлы да айтып өтті:

«Маған қай жерде ойнау керектігін жаттықтырушы шешеді. Мен үшін маңыздысы – берілген тапсырманы орындау»

«Бүгінгі атмосфера ерекше болды. Шын мәнінде ләззат алдым. Құдай қаласа, әр ойында осындай көңіл-күй болсын», – деді Дамир.

«Қайрат» «Олимпияны» қос матчтың қорытындысы бойынша 3:1 есебімен жеңіп, келесі кезеңге өтті.