«Қапталда нашар ойнады»: Сербияда «Тобылдың» «Партизаннан» жеңілуіне қатысты баға берілді

«Тобылдың» сербиялық бұрынғы қорғаушысы Ненад Шливич ASnews.kz сайтына берген сұхбатында «Партизан» мен «Тобыл» (3:0) арасындағы Конференция лигасының үшінші іріктеу кезеңіндегі матчты қорытындылады.

«Тобылдың» мұндай ірі есеппен ұтылғаны өкінішті. Басында Жагоровтың қателігінен кейін команда жинақталып, «Партизанның» шабуылдарына жауап бере бастады. Бір-екі мүмкіндік болды, бірақ бәрібір қанаттарда нашар ойнады. Сол жақта да, оң жақта да реакция әлсіз. Қарсылас басымдықты дәл осы жақтан арттырып отырды.

15-минутта белгіленбеген пенальти ме? Шын мәнінде, мен отырған бұрыштан доптың қолға тигені көрінбеді, бірақ мәселе мында мынада: қостанайлықтар өзі алмастырулар арқылы ойынды ертерек күшейтуі керек еді. 0:2 кезінде Герра гол соққанда, үміт сақталар еді. Енді демалып, чемпионатта өнер көрсетіп, қарымта матчта лайықты ойын көрсету маңызды», – деді Шливич.

Бұдан бөлек, 41 жастағы сербиялық маман Мирослав Ромащенконың бірнеше шәкіртін бөле-жара атап өтті:

«Қонақтар арасындағы үздіктер – екі орталық қорғаушы. Жеңіліске қарамастан, олар өздерін өте жақсы көрсетті. Сондай-ақ маған жақын отырған бапкерлер Миловановичтің де жігерін атап өтті», – деп қосты ол.

Еске сала кетейік, «Тобыл» «Партизанның» соққан голдарының бірде-біріне жауап қайтара алмады. Қарымта кездесу 13 тамызда Қостанайда өтеді.

Ненад Шливич қостанайлықтар сапында 2011–2016 жылдар аралығында өнер көрсетті. Сондай-ақ Ресейдің бірінші лигасының «алтынын» жеңіп алған «Ростов» клубында да ойнаған.

Белгілі төреші «Тобылдың» жеңілісі туралы: «Партизан» пенальтиден және екі сары қағаздан аман қалды