Дан Глазер: жинақы ойнасақ, кез-келген қарсыласты жеңе аламыз

«Қайраттың» израильдік легионері Дан Глазер Чемпиондар лигасының іріктеу кезеңінде «Олимпиямен» болған матчтан кейін BorodAbata.kz сайтына берген сұхбатында жанкүйерлердің маңыздылығын атап өтіп, команданың келесі кезеңдегі мүмкіндіктеріне баға берді.

«Жанкүйерлер біз үшін өте маңызды, біз олардың қолдауын сеземіз – олар біздің он екінші ойыншымыз. Осы сәтті пайдалана отырып, мен оларды ішкі чемпионат ойындарына шақырғым келеді. Киім ауыстыратын бөлмедегі атмосфера керемет. Келесі кезеңде оң нәтижеге қол жеткіземіз деп үміттенемін. Бізде жақсы мүмкіндіктер бар. Жинақы ойнасақ, кез-келген қарсыласты жеңе алатынымызды көрсеттік. Молдоваға немесе Финляндияға ұшамыз. Бұл командалар өз елдерінің чемпиондары, бірақ біз олардан да өтеміз деп үміттенемін», - деді Глейзер.

«Қайраттың» келесі қарсыласы КуПС (Финляндия) – «Милсами» (Молдова) жұбының жеңімпазы болады.