Дан Глазер: «Жылдам гол бізге көмектесті»

Алматылық «Қайраттың» жартылай қорғаушысы Дан Глазер BorodAbata.kz сайтына берген сұқбатында Словениялық «Олимпияға» қарсы матчтан (2:0) кейінгі әсерімен бөлісті. 

«Бірінші ойыннан кейін-ақ келесі кезеңге өтуге болатынын сездік. Люблянадағы ойын тең дәрежеде өтті, алайда өз алаңымызда біз фаворит болатынымызды білдік. Командадағы ойыншылардың көзінде от болды, тактикалық тұрғыда өте жақсы дайындалдық. Ерте соғылған гол бізге сенімділік берді және ойынды жақсы бастауға көмектесті. Одан кейін де тоқтамай жұмыс істеу керек болды. Мақсатымыз – оң нәтижеге қол жеткізу еді», – деді Глазер.

«Қайрат» екі кездесудің қорытындысы бойынша «Олимпияны» 3:1 есебімен жеңіп, Чемпиондар лигасының келесі кезеңіне өтті. Жауапты ойында Жоржиньо мен Александр Мрынский гол соқты.