«Тобыл» мен «Паневежис» арасындағы Конференция лигасы матчының тікелей көрсетілімі

Бейсенбі, 30 шілдеде қостанайлық «Тобыл» өз алаңында УЕФА Конференция лигасының 2026/27 жылғы маусымындағы екінші іріктеу кезеңінің шешуші қарымта кездесуінде литвалық «Паневежисті» қабылдайды.

Ойынның басталу ысқырығы Қазақстан уақытымен сағат 19:00-де шалынады. Кездесуді тікелей эфирде «Qazsport» телеарнасы көрсетеді.

Командалардың Литвадағы алғашқы кездесуі тең аяқталған болатын – 1:1. Алаң иелері бірінші таймның соңында Сейдина Кейтаның (45') соққан голының арқасында алға шықты. 60-минутта қостанайлықтардың капитаны Асхат Тағыберген пенальтиді орындай алмады, дегенмен 84-минутта Неманья Цавнич дәл соққымен «Тобылды» жеңілістен құтқарып, таразы басын теңестіріп кетті.

Бұл жұптың жеңімпазы Конференциялар лигасының үшінші іріктеу кезеңіне жолдама алып, онда сербиялық «Партизан» мен люксембургтік «УНА Штрассен» текетіресінің үздігімен кездеседі. Алғашқы матчта белградтық клуб 4:0 есебімен сенімді жеңіске жеткен еді.

«ҚПЛ – күшті чемпионат»: «Паневежис» ойыншысы КЛ матчы алдында «Тобылдың» қауқары туралы айтты