«Қайраттың» экс-футболшысы: алматылықтардың «Олимпияны» жеңетініне толық сенімдімін

«Қайраттың» бұрынғы футболшысы Антон Крачковский BorodAbata.kz сайтына берген сұхбатында Чемпиондар лигасының іріктеу кезеңінде словениялық «Олимпияға» қарсы өтетін қарымта матч жайлы ойымен бөлісті, сондай-ақ өзінің бұрынғы командасын әлі де мұқият бақылайтынын хабарлады.

«Иә, мен «Қайратты» әлі күнге дейін бақылап жүрмін. Өйткені мен бұл клубта көп жылымды өткіздім. Бұл маған даму жағынан да, өмірлік тәжірибе тұрғысынан да көп нәрсе берді. Олардың мені өз қатарларына қосқанына өте ризамын. Мен бұл команданың намысын мақтанышпен қорғадым.

Биылғы еуромаусымға келетін болсақ, «Қайраттың» «Олимпияны» жеңетініне толық сенімдімін. Келесі кезеңге өтуге өте жақсы мүмкіндігі бар. Оның үстіне, қарымта кездесу Алматыда өтіп, Орталық стадион командаға керемет қолдау көрсетеді. Арена толып, жанкүйерлер команданы алға жетелейтініне 100% сенімдімін.

Оның үстіне 1:1 есебі – сырт алаңда тіркелген тамаша нәтиже. «Қайрат өз алаңында жеңеді деп ойлаймын», - деді Крачковский.

2021 жылы Крачковский мәскеулік «Қайратқа» жалға беріліп, келесі жылы негізгі командамен толыққанды келісімшартқа отырды. Футболшы алматылық клуб сапында 55 матч өткізіп, бір гол соқты, жеті нәтижелі пас берді.

«Қайрат» пен «Олимпия» арасындағы қарымта ойын 15 шілдеде Алматыда өтеді. Алғашқы кездесу 1:1 есебімен аяқталды.