«Қайраттың» ЧЛ-дағы тәжірибесі – жеңістің кепілі емес»: «Омония» бапкері – Алматыдағы қарсы қарымта матч туралы

Кипрлік «Омонияның» бас бапкері Хеннинг Берг ASnews.kz-ке берген сұхбатында Чемпиондар лигасының іріктеу кезеңіндегі алматылық «Қайратқа» қарсы қарымта матч алдында өз ойымен бөлісті.

Ұшу барысы мен команданың жағдайы туралы:

«Ұшу барысы өте жақсы өтті – тікелей рейс болды, орындықтар да ыңғайлы. Бұған дейін де осында ұшып келгенбіз, сондықтан алыс жолға үйренгенбіз. Команда дайын әрі жақсы физикалық бабында.

Құрамға келсек, Него ертең ойнай алмайды. Штефан Симич алаңға шығуға дайын – «Қайратқа» қарсы алғашқы матчта ол орасан зор жұмыс атқарды, біз бұған ризамыз. Бұл позицияға кім шығатынын және құрылымды өзгертетінімізді ертең шешеміз. Муамер Танкович алғашқы ойындағы алаңнан қуылғаны себепті бары-жоғы 35 минут ойнады, бірақ қазір оның жағдайы жақсы, бүкіл команда сияқты – осы аптада өте жақсы жұмыс істедік».

«Қайраттың» ЧЛ-дағы тәжірибесі туралы:

«Өткен жылы «Қайрат» Чемпиондар лигасының іріктеуінде үлкен жетістікке жетті. Оларда сол құрамнан көптеген ойыншылар сақталып қалған, тәжірибелері де бар. Бірақ өткеннің тәжірибесі – жай ғана багаж, болашақтағы жеңістердің кепілі емес. Бұл мүлдем кез келген командаға қатысты.

Біз алғашқы ойыннан кейін бір-бірімізді жақсы танимыз, екі клуб үшін де мүмкіндік бірдей. Басты назарымыз – өзіміздің ойынымызда. «Қайраттың» өз алаңында ойнайтынын және олардың мықты қарсылас екенін түсінеміз, бірақ біз де жақсы командамыз. Ауыр өтетін матчты күтіп отырмыз».

2021 жылғы «Қайрат» пен қазіргі құрамды салыстыру туралы:

«Әртүрлі жылдардағы командаларды салыстыру әрқашан қиын. 2021 жылы «Қайрат» өте қуатты әрі атлетикалық команда еді. Қазір, бәлкім, оларда техникалық тұрғыда шебер футболшылар көбейген сияқты. Алматылықтар өз чемпионатында үстемдік етуге үйренген: олар өткен жылы чемпионатты ұтып алды және қазір де көшбасшылық үшін күсіп жатыр».

«Қайрат» пен «Омония» арасындағы Чемпиондар лигасының екінші іріктеу кезеңіндегі қарымта матч ертең, 29 шілдеде сағат 20:00-де Алматы уақытымен өтеді. Никосиядағы алғашқы ойын кипрлік клубтың 1:0 есебіндегі жеңісімен аяқталған болатын.

Командалар арасындағы текетірес тарихы 2021/22 жылғы маусымда, «Қайрат» пен «Омония» УЕФА Конференциялар лигасының бір тобына түскен кезде бастау алған. Ол кезде қос кездесу де – Қазақстанда да, Кипрде де – есеп ашылмай, 0:0 есебімен тең аяқталған еді.

«МЮ»-дың бұрынғы ойыншысы Сәтпаевтың трансфері туралы: Дастанды жарқын мансап күтіп тұр