«Алашкерттің» 50 жанкүйері «Елімайға» қарсы матчқа Семейге ұшып келді

Бүгін, 16 шілдеде Семейде жергілікті «Елімай» мен армениялық «Алашкерт» арасында Конференция лигасы алғашқы іріктеу кезеңінің қарымта матчы өтеді.

ASnews.kz тілшісінің мәліметінше, 50-ге жуық армениялық фанат сырт алаңдағы кездесуде өз клубына қолдау көрсету үшін Семейге келді.

Бұған дейін «Елімайдың» баспасөз қызметі бұл ойында аншлаг күтілетінін – «Алашкертке» қарсы матчтың барлық билеттері әлдеқашан сатылып кеткенін хабарлаған болатын.

Ереванда командалар 1:1 есебімен тең ойнады. Семейдегі кездесудің басталуын білдіретін ысқырық 20:00-де шалынады.