«Ертістің» грузиялық экс-легионері – «Ордабасының» «Торпедоға» қарсы мүмкіндігі туралы: 60-40

Павлодарлық «Ертіс» пен «Торпедо Кутаисидің» бұрынғы ойыншысы Леван Куталия BorodAbata.kz сайтына берген сұхбатында Конференция лигасының бірінші іріктеу кезеңіндегі «Торпедо» мен «Ордабасы» арасындағы матч туралы өз пікірімен бөлісті.

«Бірнеше жыл бұрын «Ордабасы» мен «Торпедо» Еуропа лигасында кездескен. Сол кезде шымкенттіктер мықтырақ болып, келесі кезеңге өтті. Одан кейін грузиялық клубқа жаңа басшы келіп, команданың құрамын күшейтті. Дегенмен, «Торпедо» чемпионатта бесінші орында тұр. Команда бабында емес. Дәл осындай жағдайды «Ордабасы» да бастан кешуде. Мүмкіндіктер ме? 60% басымдылықты «Ордабасы» пайдасына берер едім. Қазақстандық команда екі матчтың қорытындысы бойынша еурокубоктегі жоғырын жалғастырады», – деді Куталия. 

Командалар арасындағы алғашқы ойын 10 шілде күні Кутаисиде, қарымта ойын 17 шілдеде Шымкентте өтеді. 

Грузин шабуылшысы Леван Куталия 2020 жылдың қаңтарында «Ертістің» ойыншысы атанғанымен, клубтың жабылуына байланысты көп ұзамай Қазақстаннан кетіп қалды.