Семак: «Қайрат» та «Қарабахтың» жетістігін қайталай алады

Санкт-петерборлық «Зениттің» бас бапкері Сергей Семак ASnews.kz сайтына берген сұхбатында басқа танымал клубтардың мысалында алматылық «Қайратқа» еурокубоктарда тұрақты әрі сәтті өнер көрсету үшін не қажет екенін айтып берді.

– Қазақстандық жанкүйерлер «Қайраттың» «Қарабах» сияқты еурокубоктарда тұрақты ойнағанын қалайды. Алматылықтар мұндай деңгейге қашан жете алады?

– Егер «Қарабахты» алсақ, әрине, ол жақта басты рөлдерді легионерлер атқарады. Кипрлік «Арис» пен Чемпиондар лигасында айтарлықтай сенімді ойнаған «Шериф» туралы да осылай айтуға болады. Бұл легионерлерге шектеу (лимит) болмаған жағдайда, Чемпиондар лигасында ойнай алатын өте қабілетті команда жинауға болатынын көрсетеді. Мұндай мысалдар өте көп.

Еске салайық, әзербайжандық «Қарабах» жақында Чемпиондар лигасындағы жолын аяқтады. Бірыңғай турнирлік кестеде 22-орын алған клуб өз тарихында алғаш рет плей-офф кезеңіне шықты. Алайда ағдамдық клуб онда ағылшындық «Ньюкаслдан» жеңіліп, жарыс жолынан шығып қалды.

Ал алматылық «Қайрат» соңғы, 36-орынға тұрақтады. Өткізілген сегіз турда қазақстандық клуб жеті рет жеңіліп, тек бір рет қана тең түсті. Осылайша бар-жоғы бір ұпай жинады.